أي زمان هذا .. تفكير بصوت عالي

فاتن مصطفى الأحد أغسطس 26, 2012 2:15 pm

السلام عليكم عائلتي الرائعة

سأفكر بصوت عالي، لأنه أحياناً يضيق صدر الشخص بأفكاره وبما يجول في نفسه ..

أمس، كان أكثر الأيام دموية في تاريخ الثورة السورية .. ما يقارب 400 شهيد تم تسجيلهم والآن تجري عمليات انتشال لشهداء يقال أنها وصلت 200 شهيد
وعدد الجرحى يفوق الـ 1500 ورجاء لا حد يحكيلي مبالغة بالأعداد
ذهب أحد الأشخاص المشهورين إعلامياً إلى سورية وعاد، قبل ذهابه كان في قرارة نفسه يعتقد أن ما يبث عن الدمار مبالغ فيه لكسب التعاطف، لكنه فوجئ أن ما يبث لا يمثل 10% فقط مما يحدث !

أدرك أن هذه محطة لازم تمر فيه سورية، وهذا قدرهم ونصيبهم، لكن هل طبيعي أستمر بحياتي وكأن شيئاً لم يكن؟ هل طبيعي إني أسمع هالأرقام وأكمل يومي عادي؟ هذا شيء طبيعي؟ عنجد بسأل ..
أنا بصراحة شديدة جداً عجزت عن النوم، أجيت أصلي ما قدرت أوقف
بتخيل شو بدي أحكي لربي، ما نصرتهم بشيء ما قدمت لهم شيء
وين الأفعال الحقيقية
رميناهم بمخيم الزعتري اللي هو ألعن من الموت

وقت رحت ع المول مع وسام شفت الناس بالهبل هناك. عالأكل عاللبس عالألعاب ع كل شي، ناس عم تدخل وتشتري قطع بمبالغ خيالية ممكن تشتريها بأسعار أرخص بكتير
أنا طلعت من المول وجوات نفسي بحكي يللي بيشكي من يوم وطالع قدامي من صعوبة الحياة بدي اجيب اخرته
بس السؤال.. لهالدرجة الناس مالهم سائلين باللي بصير؟ ما حد فكر يضغط حاله ويقدم شي لهالشعب ..
انا اشتريت تلفون جديد.. شو لزومه ؟ لكن لأني مو صادقة برغبتي لتقديم شيء فيه سبيل الله، لو كنت صادقة كان قدمت هالمبلغ لعائلة سورية بحاجة، وياما أكترهم.

فتحت صفحتي عالفيس اشوف شو صاير بهالدنيا، انصدمت، يا جماعة ما فيه انسانية ما فيه ضمير
بالوقت يللي التنسيقيات السورية عم تنشر صور للشهداء، صفحات اخرى عم تنزل نكت ومزح وحكي فاضي.
إيش فيه؟ بأي زمان نحنا يللي صار عنا الشهداء مجرد رقم ؟؟
لهالدرجة نحنا ضامنين حالنا ما نكون مكانهم السنة الجاي؟ يا ترى السنة الجاي لو صار عنا متل ما صار عندهم سورية رح تستقبلنا وتحطنا بمخيمات متل مخيم الزعتري؟ وتقول الوضع صعب وما بنقدر نستقبلكم.

وأجد من أشعار درويش ما يعبر عن حالتي
الموت لا يؤلم الموتى. الموت يؤلم الأحياء

ع كل لو كنا صادقين في نيتنا بنصرة أخواننا كان ربنا رح ييسرلنا السبل لنساعدهم
لذلك سأقتبس عبارة قالها واحد سوري أمامي: الشعب اللي ما عمل ثورة سيبقى شعب متخلف
استهجنتها لما سمعتها، لكن يبدو أنه هاد الواقع وهاد اللي رح يصير

قال صلى الله عليه وسلم:
(ما من امرئ خذل مسلما في موطن ينتهك فيه حرمته، إلا خذله الله في موطن يحب فيه نصرته)
لذا، فما علينا إلا أن ننتظر ذلك اليوم الذي سنحتاج فيه النصر فيخذلنا الله لأننا خذلناهم

عذراً للسوداوية في الحديث والكآبة، لكن شعرت إني رح انفجر إن ما كتبت وعبرت
لهيك قلت بشارككم اللي عم فكر فيه.

صباح خالي من المجازر ..

suseen الأحد أغسطس 26, 2012 10:01 pm

شيء فظييييع جدا ........ ايقظت عقولنا واعيننا على شيء هو موجود من سنة على الاكثررر .....
اللهم الهمنا على فعل الخير وليس على قوله فقط .....
ولكن اذا اردنا ان نساعد ولو بجزء بسييط ... كيف ؟؟؟؟

**khawla sweet** الأحد أغسطس 26, 2012 11:23 pm

في هذه الفترة انا بلاحظ هذه التصرفات التي طرحتها فاتن
ولكن ماذا نفعل اظن ان الاشخاص من كثرة المجازر و الشغب قد فقدت الاحساس بالناس الاخرين
بقول ((انا بخير ومالي دخل بغيري ))
شكرا فاتن على اثارة هذه الافكار

فاتن مصطفى الإثنين أغسطس 27, 2012 3:19 pm

شكراً إلكم سوسينة وخولة .. عنجد أفرحتوني بردودكم
انا كتبت هالموضوع كأفكار داخلية عشوائية
لكن رح يكون إلي تعليق عليه في موضوع تاني لكن عقلاني ومنطقي

الأحد	الإثنين	الثلاثاء	الأربعاء	الخميس	الجمعة	السبت
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

أي زمان هذا .. تفكير بصوت عالي

أي زمان هذا .. تفكير بصوت عالي

رد: أي زمان هذا .. تفكير بصوت عالي

رد: أي زمان هذا .. تفكير بصوت عالي

رد: أي زمان هذا .. تفكير بصوت عالي